"Wi sünd Sieger!" - Uns Lena weer de beste bit plattdütsche Leesen in St. Peter-Ording

"Wi sünd Sieger"! Uns Lena weer de beste bit plattdütsche Leesen in St. Peter Ording! Lena weer schon Sieger in Dezember 2015 in unse School un nu weer de Landschops-Entscheed in'n Vörlesewettbewerb "Schölers leest Platt" för de drütten un veerten Klassen in St. Peter in de Bökeri.
Wi weern all gaanz kribbelig, Lena un ehr Mama, Papa, Broder, Oma, Tante un de Erzeiher ut unse School! Veer Kinner weern dor, Svea ut  Rantrum, Jann-Tillmann ut Norderfriedrichs-Koog, Leonie ut Schwabstedt un unse Lena ut Röms. Lena weer de eenzige ut de drütte Klass un uk de lüttste! Aver de Lüttsten sünd mannigmaal de Gröttsten! Un so weer dat denn ok. Alle Kinner hebbt gaanz fein leest, aver de Jury weer sik eenig: Uns Lena von de Iven-Agßen-School har dat am besten henkreegen. Wi freit uns bannig doll för Lena! Nu war't Lena "uns" bi de Regional-Entscheed vertreeden un wi drücken gaanz fast de Duum's, denn se hett een groote Chance! Dat weer een schöne Namiddag in St. Peter-Ording.

Angelika Albertsen-Kruse (Text)
Claudia Peters (Foto)

<< zurück